ಎಳ್ಳಮವಾಸ್ಯೆಡ್ ಕಡಲ್ ಮೀಪಿನ ಪೊರ್ಲೇ ಪೊರ್ಲು

ಇನಿ ಎಳ್ಳಮವಾಸ್ಯೆ...

ಪುಲ್ಯ ಕಾಂಡೆ ಲಕ್‍ದ್ ಸೀದಾ ಕಡಲ್ ಗ್ ಪೋದು ಕಡಲ್ ಮೀಪಿನ ಪೊರ್ಲು ಇನಿ ನಮ್ಮ ಕರಾವಳಿದ ಮಾತಾ ಕಡಲ ಬರಿಟ್ಟ್ ತೂವೊಲಿ.

ಎಲ್ಯ ಉಪ್ಪುನಗ ಎನನ್ ಅಮ್ಮ ಕಡಲ್ ಗ್ ಲೆತ್ತೊಂದು ಪೋದ್ ಒಂಜೊಂಜೇ ಸೆರೆ (wave) ಅವೆಕ್ಕ್ ಎನ್ನ ತರೆ ಪತ್ ದ್ ಒಟ್ಟು ಒರುಂಬ ಸೆರೆ ಮೀಪಾನಗ ಯಾನ್ ಸುರುಟ್ಟು ಬುಲ್ತೆಡಲಾ .. ಬೊಕ್ಕ ಬೊಕ್ಕ ಮಸ್ತ್ ಖುಷಿ ಆವೊಂದಿತ್ತ್ಂಡ್.

ಒಂತೆ ತಡ ಆನಗ ನಮ ಅಂಚಿ ಅಂಚಿ ಕಡಲ ಸೆರೆತೊಟ್ಟುಗು ಪೋನಗ ಅಮ್ಮ ನೆರೊಂದಿತ್ತೆರ್ ಆ ನೆನೆಪೇ ಬೇತೆ.

ಅಂಚೆನೇ... ಕಡಲ ಬರಿಟ್ಟ್ ಕೆಲವು ಕೋಡಿಡ್ ಭಟ್ರೆನಕುಲು ಹೋಮ ಮಲ್ತ್ ಎಂಚಿನನಾ ಪೂಜೆ ಮಲ್ತೊಂದಿತ್ತಿನ ನೆನೆಪು ಆವೊಂದಿತ್ತ್ಂಡ್....


ಆಂಡ ಇನಿ ಎಂಕ್ ಕಡಲ್ಗ್ ಪೋವರೆ ಆಯಿಜಿ ಅಂಚ ಪುಲ್ಯ ಕಾಂಡೆ ಸೀದಾ ತುದೆಕ್ಕ್ ಪೋದು ಆ ಚಳಿಟ್ಟೆ ಚಪ್ಪೆ ನೀರ್ ಮೀದ್ ಸೀದಾ ಆಫೀಸ್ ಗ್ ಬತ್ತೆ.....

ಆ ಪೊರ್ಲುದ ಕಡಲ್ ಮೀಪಿನ ಖುಷಿಲಾ ಇಜ್ಜಾಂದೆ ಪೋಂಡು ತೂಲೆ....

ಮೋಕೆಡ್ ಎದ್ಕೊನುವ

ಇಂಟರ್ ನೆಟ್ಟ್ ಡ್ ಸುರುಕ್ಕು ಮೂಡಿನ ಕನ್ನಡ ಲಿಪಿಟಿತ್ತಿನ ತುಳು ಬ್ಲಾಗ್ ಗ್ ನಿಕಲೆಗ್ ಮಾತೆರೆಗ್ಲಾ ಸ್ವಾಗತ.

ನನ ದುಂಬುಗು ಎಂಕ್ ಏತ್ ಸಾಧ್ಯ ಉಂಡಾ ಆತ್ ತುಳುತ ಬೇಲೆ ಮಲ್ಪರೆ ದೇವೆರ್ ಶಕ್ತಿ ಕೊರಡ್ ಪಂದ್ ಆ ದೇವೆರೆಡ ನಟ್ಟೊಂದು ಈ ಕಜ್ಜೊಗು ಕೈ ಪಾಡುವೆ. ಅವೆತ್ತ ಒಟ್ಟುಗೆ, ನಿಕಲ್ನ ಮಾತೆರ್ನಲಾ ಸಹಕಾರ ಬಯಕೊಂದು ಇಂದೇ... ಇನಿಯೇ ಜತ್ತೆ...

ಅಂಚಿಲತ್ತ್-ಇಂಚಿಲತ್ತ್

ಕೋಡೆ ಯಾನ್ ಲಕುಮಿ ತಂಡದಕಲೆನ " ಅಂಚಿಲತ್ತ್ ಇಂಚಿಲತ್ತ್ " ನಾಟಕ ತೂಯೆ..
ಮಸ್ತ್ ಲಾಯಕ್ ಇತ್ತ್ಂಡ್ ಮಾರಾಯ್ರೆ... ಪ್ರತಿಯೊಂಜಿ ವಿಷಯೊಡುಲಾ ದ್ವಂದ್ವನು ದೆರ್ತ್ ಪತ್‍ದ್ ನಾಟಕೊಡು ಕಡೆಮುಟ್ಟಲಾ ಉಂದೆನ್ ಒರ್ತು ಕೊನೊರೆ ಬಾರೀ ಬಂಗ ಬೈದೆರ್.
ಅಪ್ಪೆಗ್ - ಪರ್ಪೆಲೆ ಮಗೆನಾ ಅತ್ತ್ ಬೆಂದ್ ಕಂತ್ ಪಾಡುನ ಕಾಂಟ್ರಾಕ್ಟರ್ ಮಗೆನಾ.. ಅಂಚಿಲತ್ತ್-ಇಂಚಿಲತ್ತ್
ಆಣಗ್ - ಬುಡೆದಿ ಯಾ - ಅಪ್ಪೆನಾ .... ಅಂಚಿಲತ್ತ್-ಇಂಚಿಲತ್ತ್
ಪಲಯಗ್ - ಮೆಗ್ಗೆನಾ- ಅಪ್ಪೆನಾ .... ಅಂಚಿಲತ್ತ್-ಇಂಚಿಲತ್ತ್
ಪೊಣ್ಣಗ್ - ಅಪ್ಪೆನಾ- ಮಾಮಿಯಾ .... ಅಂಚಿಲತ್ತ್-ಇಂಚಿಲತ್ತ್

ಇಂಚ ಪ್ರತಿಯೊಂಜಿ ವಿಷಯೊಡುಲಾ ಅಂಚಿಲತ್ತ್-ಇಂಚಿಲತ್ತ್

ಕೆಲವು ಡೈಲಾಗ್ಲಾ ಅಂಚಿಲತ್ತ್-ಇಂಚಿಲತ್ತ್
ಒಂಜಿ ಕಡೆಟ್ಟ್ ಪೊಣ್ಣುಲೆಗ್ ಕೇನುವೆ - "ನಿಕುಲು ಮುಂಡದ ಬಣ್ಣ ಮಾಜಾವರ್- ಆಂಡ ಬಿಮ್ಮೊಗು ಬೊಕ್ಕಲಾತ್ ಬಣ್ಣ ತೊಡೆಪುವರ್ ದಾಯೆಗ್ ?? "
ಕುಡೊಂಜಿ ಡೈಲಾಗ್ "ಮದಿಮೆ ಆನಗ ಸಾರ ಸಾರ ಕಾಕಜಿ ಪ್ರಿಂಟ್ ಮಲ್ತ್ ಪಟ್ಟುದು ಮದಿಮೆಗ್ ಗೌಜಿಡ್ ಲೆಪ್ಪುವ... ಆಂಡ ಕೆಲವೇ ದಿನೊಟ್ಟು ಕಾಲಿ ಒಂಜಿ ಕಾಕಜಿಗ್ ಸೈನ್ ಪಾಡ್ದ್ ಡೈವೊರ್ಸ್ ಕೊರ್ಪ''
ಇಂಚಿತ್ತಿನ ಮಸ್ತ್ ಅಂಚಿಲತ್ತ್-ಇಂಚಿಲತ್ತ್ ಡೈಲಾಗ್ ತಿಕ್ಕುವ.

ನಾಟಕೊಡು ನವೀನ್ ಡಿ ಪಡೀಲ್ ನ ಪರ್ಪೆಲೆ - ಪುರುಷೋತ್ತಮನ ಪಾತ್ರ ಎಂಕ್ ಮಸ್ತ್ ಇಷ್ಟ ಆಂಡ್.